Virðulegi forseti. Ég vil óska nefndinni til hamingju með þá vinnu sem hún hefur unnið í þessu máli og þær breytingar sem hún hefur gert á frumvarpinu sem mun vonandi fá framgang á þessu vorþingi. Sérstaklega vil ég óska framsögumanni málsins, hv. þm. Guðmundi Steingrímssyni til hamingju með góða og styrka stjórn á þessu máli í meðförum nefndarinnar. Ég vil sömuleiðis taka fram að ég er hrifinn og ánægður með þær breytingar sem nefndin er að gera varðandi sáttameðferðinni og heimild dómara um sameiginlega forsjá.