140. löggjafarþing — 111. fundur,  1. júní 2012.

loftferðir.

349. mál
[12:35]
Horfa

Ragnheiður E. Árnadóttir (S) (um atkvæðagreiðslu):

Virðulegi forseti. Ég vil taka undir með hv. þm. Birgi Ármannssyni um að rétt sé að skoða ákveðin atriði á milli umræðna og mun því sitja hjá við þessa atkvæðagreiðslu. Þó vil ég koma hér upp sérstaklega til að fagna því sem fram kom í máli hv. þm. Guðfríðar Lilju Grétarsdóttur að með þessu frumvarpi er tekið á þeim vandamálum sem upp hafa komið, einkum nýlega, hvað varðar bakgrunnsskoðanir einstaklinga undir lögaldri, undir 18 ára aldri. Ég fagna því sérstaklega að verið sé að bregðast við því núna og lagfæra þetta og koma því í góðan farveg. Svo vil ég líka nota tækifærið til að þakka hæstv. innanríkisráðherra fyrir að bregðast mjög hratt og örugglega við vandamáli þessu tengdu sem kom upp nýverið.