fjögurra ára samgönguáætlun 2011--2014.

Frú forseti. Aðeins varðandi heimsendaspána vegna veiðigjaldanna. Það hefur náttúrlega margoft komið fram í umræðunni, þó að þingmenn Sjálfstæðisflokksins vilji ekki ræða það mikið, að gjaldstofninn sem veiðigjaldið er reiknað út frá er umframarður sem skapast í greininni. Það þýðir að í góðum árum eins og í ár er þessi atvinnugrein aflögufær og getur greitt sinn skerf til samfélagsins, samfélagsins sem hefur alið þessa atvinnugrein af sér. Í erfiðum árum er hún það ekki og þá er tekið tillit til þess við útreikninginn. Þannig að það er engin hætta á því að veiðigjaldafrumvarpið í þeirri mynd sem það er núna gangi af neinu fyrirtæki dauðu.