vernd og orkunýting landsvæða.
Frú forseti. Við erum nú þegar heimsmeistarar í raforkuframleiðslu í heiminum. Ég óttast að náttúruverndar- og umhverfissjónarmið megi sín lítils andspænis 1.200 milljarða snjóhengju sem ætlunin er að koma í innlendar fjárfestingar og leyfa síðan að leka smám saman út úr hagkerfinu. Stjórnvöld skortir hugrekki til að skrifa niður þessar froðueignir. Enginn friður verður um virkjunarkosti í biðflokki þegar kröfuhafar hafa fengið sinn hlut úr þrotabúum gömlu bankanna. Milljarðafjárfestingar í virkjunum munu hrinda af stað annarri eignabólu og verðbólguskoti með hörmulegum afleiðingum fyrir heimili landsins.
Frú forseti. Ég hvet þingheim til að senda málið til umhverfis- og samgöngunefndar. (Gripið fram í.)