fjárlög 2013.
Frú forseti. Ég er að reyna að skilja svar hv. þingmanns. Er hann að segja að í rauninni sé ekkert bjart við frumvarpið?
Nú er það þannig að menn hafa náð ákveðnum tökum á því að færa fjárlagafrumvarpið nær nútímanum, sérstaklega fjáraukalögin og ríkisreikning og annað slíkt. Það hefur verið að mjakast í rétta átt að því leyti, svona tæknilega séð.
Ég vildi spyrja hv. þingmann aftur: Er þá í rauninni ekkert jákvætt í fjárlagafrumvarpinu og þeim breytingum sem hv. fjárlaganefnd gerir við það, að mati hv. þingmanns? Til dæmis þær breytingar sem fjárlaganefnd gerir á ýmsum liðum hér og þar, hækkar barnabætur o.s.frv. Er ekkert jákvætt við það?