vernd og orkunýting landsvæða.
Herra forseti. Um leið og ég fagna því sérstaklega að það er að verða undantekning frekar en regla að hv. þingmenn stjórnarflokkanna mæti í ræðustól til að tjá sig verð ég að biðja hæstv. forseta að fara betur yfir það, meðal annars í forsætisnefnd, að þegar þeir mæta hér, stjórnarþingmenn, þurfa þeir líka að standa frammi fyrir því að svara fyrirspurnum. Það hefur borið við, bæði nú áðan og fyrr í dag, að hv. þingmenn stjórnarflokkanna svara ekki beinlínis þeim fyrirspurnum sem til þeirra er beint. Þetta er sagt í mesta bróðerni, en ég vil beina því til hæstv. forseta að þetta verði tekið upp í forsætisnefnd.