atvinnuleysistryggingar.

Frú forseti. Við erum að greiða atkvæði um ýmsar breytingar á lögum um atvinnuleysistryggingar og greiðslur úr Atvinnuleysistryggingasjóði vegna fiskvinnslufólks. Mikilvægasta breytingin felur í sér styrki vegna þátttöku atvinnuleitenda í starfs- og námstengdum vinnumarkaðsúrræðum, jafnvel þó að þeir séu búnir að missa réttindi í Atvinnuleysistryggingasjóði. Þetta er mjög mikilvægt ákvæði til að tryggja atvinnuleitendum tækifæri til að vera þátttakendur á vinnumarkaði og detta ekki út í óvirkni.

Við erum jafnframt að breyta reiknireglu atvinnuleysisdaga fyrir þá sem hafa verið með hlutabætur í bráðabirgðaákvæði í lögunum þannig að nú reiknast hver dagur á hlutabótum hálfur dagur en ekki heill eins og áður og þannig eru réttindi þessa hóps tryggð.