141. löggjafarþing — 66. fundur, 16. jan. 2013.
skiptaverðmæti og greiðslumiðlun innan sjávarútvegsins.
417. mál
Virðulegi forseti. Það er þá rétt skilið hjá mér að það liggur fyrir álit lögfræðinga um að þetta ætti að samrýmast 74. gr. stjórnarskrárinnar.
Síðan spurning tvö í framhaldi af svari hæstv. ráðherra: Hefur ráðherrann í hyggju að leggja fram það mál hér á þingi fyrir kosningar sem tekur á þessum ágreiningi eða skýrir verðmyndunina á markaði á þeim afla sem er landað í vinnslu sem ekki er eigin vinnsla?