141. löggjafarþing — 88. fundur, 26. feb. 2013.
Ríkisútvarpið, fjölmiðill í almannaþágu.
194. mál
Virðulegi forseti. Ástæða er til að fagna því að frumvarpið um Ríkisútvarpið, fjölmiðil í almannaþágu, sé komið þetta langt. Það er mikilvægt framfaraskref og góð samstaða er um það í nefndinni. Verið er að búa Ríkisútvarpinu lagaumgjörð sem samstaða getur orðið um til nokkurrar framtíðar. Því styð ég þetta mál og hvet þingheim eindregið til að gera það líka.