142. löggjafarþing — 6. fundur, 14. júní 2013.
veiðigjald.
15. mál
Hæstv. forseti. Í ljósi svara hv. þingmanns hygg ég að það sé rétt og skylt fyrir mig sem nefndarmann í atvinnuveganefnd hins háa Alþingis að gaumgæfa það atriði sérstaklega hvernig Norðmenn reikna auðlindarentu í sjávarútvegi til þess að við getum haft það okkur til upplýsingar, fróðleiks og hliðsjónar. Ég hygg því að ég muni beita mér fyrir því á vettvangi hv. nefndar.