142. löggjafarþing — 13. fundur, 25. júní 2013.
Ríkisútvarpið, fjölmiðill í almannaþágu.
11. mál
Virðulegi forseti. Ég kallaði eftir því að þetta mál færi aftur til nefndar þar sem upp kom sú staða að hugsanlega væri hægt að bæta við í frumvarpið, í það minnsta, að starfsmenn Ríkisútvarpsins gætu haft áheyrnarfulltrúa í stjórn Ríkisútvarpsins. Í ljós kom að ekki er svo mikill ágreiningur um það. Enn fremur kemur alveg til greina að viðra fleiri skoðanir um betrumbætur í átt til lýðræðis og gegnsæis.