fjárlög 2014.

Hæstv. forseti. Ég fagna því að þessi tillaga er komin fram og til atkvæðagreiðslu og vonast til að menn styðji hana almennt. Við þekkjum öll þann brýna vanda sem liggur á öllum þeim er hafa það verkefni að sjá um þá er þurfa á hjúkrunarrýmum að halda. Við vitum jafnframt að hægt er að nýta það húsnæði sem nú þegar er til staðar í hinum dreifðu byggðum og ég fagna því að nú eigi að fara í þetta.

Ég vek hins vegar athygli á því að þetta er tímabundið framlag og ráðuneyti heilbrigðismála mun vinna á þessu ári að því að koma með heildstætt plan um það hvernig á að taka á þessum verkefnum. Þetta er liður í því að leysa vanda spítalanna en þar er þegar fyrir fullt af einstaklingum sem bíða eftir því að komast í hjúkrunarrými.