leikskóli að loknu fæðingarorlofi.

Herra forseti. Ég greiði atkvæði um tillögu til þingsályktunar um leikskóla að loknu fæðingarorlofi. Það er þingsályktunartillaga sem var flutt af hv. þm. Svandísi Svavarsdóttur og fleiri þingmönnum Vinstri hreyfingarinnar – græns framboðs um að setja á laggirnar sérstaka vinnu við að skoða möguleikana á því að bjóða leikskólaúrræði strax að fæðingarorlofi loknu. Allsherjar- og menntamálanefnd hefur fjallað um málið og er samdóma í niðurstöðu sinni með breytingu á tillögugreininni. Ég vil þakka hv. allsherjar- og menntamálanefnd fyrir vinnu hennar að þessu og fagna því sérstaklega að um málið sé breið samstaða og að þingsályktunartillagan með þessari breytingu verði samþykkt hér í þingsal.