tekjuaðgerðir fjárlagafrumvarps 2014.

Virðulegi forseti. Hér eru greidd atkvæði um fjárhæð bankaskattsins. Við höfum ekki forsendur til annars en að styðja niðurstöðu ríkisstjórnarinnar í því efni en höfum gert athugasemdir við það hversu seint það mál er komið inn og hversu erfitt hefur verið að glöggva sig á umgjörð þess vegna þess að þetta hefur verið unnið á hlaupum undir lok þings og miklar hækkanir gerðar á skattinum milli umræðna.