lagaskrifstofa Alþingis.

Hæstv. forseti. Ég þakka hv. þm. Vigdísi Hauksdóttur fyrir skýr og greinargóð svör. Hún náði reyndar ekki að fara yfir spurningu mína um 2. gr. þar sem segir að á lagaskrifstofunni skuli starfa fimm manns og skuli allir vera lögfræðimenntaðir og að minnsta kosti tveir skuli vera prófessorar í lögum. Eins og ég sagði reyndar hafði hv. þm. Össur Skarphéðinsson bent á að það sé í raun og veru staða við háskólann en kannski förum við vel yfir það.

Að öðru leyti hlakka ég til, sem nefndarmaður í hv. stjórnskipunar- og eftirlitsnefnd, að vinna í öllum þessum málum og þessu ágæta frumvarpi um leið, það er alltaf til bóta að ræða vandaðri vinnubrögð.