viðvera ráðherra í óundirbúnum fyrirspurnatíma.

Virðulegur forseti. Ég tek undir með hæstv. utanríkisráðherra, mér þykir þessi viðleitni hv. þingmanna til að þyrla upp einhverjum þeim ósmekklegustu aðdróttunum sem ég hef lengi orðið vitni að — mér finnst þetta einkar ósmekklegt. Hæstv. innanríkisráðherra hefur ítrekað verið hér til svara um þetta ákveðna mál. Ég hlustaði síðast í morgun á hæstv. innanríkisráðherra í löngu og ítarlegu útvarpsviðtali.

Það að breytingar verði á viðveru í óundirbúnum fyrirspurnum gerist oft og iðulega og hæstv. fyrrverandi ráðherra veit það manna best. Ég get upplýst það að hæstv. innanríkisráðherra er nú á leiðinni til Ísafjarðar til fundar sem var löngu ákveðinn og ég veit ekki af hverju hún var sett á fyrirspurnatíma í dag vegna þess að ég veit að þessi fundur á Ísafirði var löngu ákveðinn.

Nú skulum við hafa það (Forseti hringir.) hugfast að fara í boltann en ekki manninn.