143. löggjafarþing — 67. fundur,  24. feb. 2014.

aðildarviðræður við Evrópusambandið.

320. mál
[22:20]
Horfa

Ragnheiður Ríkharðsdóttir (S) (um fundarstjórn):

Virðulegur forseti. Í ljósi þessarar umræðu lét ég þess getið þann dag, á miðvikudagsmorgni þegar Morgunblaðið kom út, að mér hefði brugðið við að sjá umræðu um skýrsluna á forsíðu Morgunblaðsins. Ég get hins vegar upplýst það hér sem þingflokksformaður Sjálfstæðisflokksins að á milli kl. 10 og 11 fengum við þessa skýrslu senda rafrænt í tölvupósti.

Ég get jafnframt fullyrt það hér og nú að sú skýrsla fór ekki úr minni tölvu til Morgunblaðsins eða Vigdísar Hauksdóttur.