aðildarviðræður við Evrópusambandið.
Virðulegi forseti. Ég hef ekki þann heiður að sitja þingflokksformannafundi en hér berast frásagnir af því að hæstv. forseti hafi sagt að slíta ætti fundi þegar farið væri að halla í hálftólf. Klukkan er orðin hálftólf. Á morgun er þriðjudagur og þá getur fundur staðið fram eftir kvöldi, þannig að mér virðist stefna í að menn vinni hér tvö kvöld í röð. Mig langar að spyrja hvort hæstv. forseti geti ekki sagt okkur núna þegar ég stíg niður úr ræðustólnum hvort hann ætlar að slíta fundi á næstu fimm mínútum eða hvað. Það er fólk sem bíður eftir mér heima.