umsókn Íslands um aðild að Evrópusambandinu dregin til baka.
Virðulegi forseti. Takk fyrir þetta. Ég deili því miður ekki sömu trú á íslenska hagstjórn. Mér finnst hagstjórnin ekki hafa verið þannig undanfarna áratugi að við sjáum fram á að geta einhvern tíma náð þeim stöðugleika í krónunni að geta byggt á henni til framtíðar. Við erum með krónu í höftum og það er ekkert fyrirsjáanlegt plan um hvernig við ætlum að leysa þann vanda. Þetta er ekki í fyrsta skipti sem við erum með krónu í höftum.
Mér finnst það vera mikill ábyrgðarhluti okkar sem stjórnmálamanna að útkljá þennan möguleika í stöðunni og fá þessari spurningu svarað, bæði fyrir okkur núna og fyrir framtíðarþegna þessa lands.