lokafjárlög 2012.

Virðulegi forseti. Ég vil þakka hv. þingmanni andsvarið. Ég er ekki með tölurnar tiltækar en ég þykist hafa séð samanburð í síðasta fjárlagafrumvarpi milli ára í greinargerð með fjárlagafrumvarpinu frá því í haust sem sýndi að samleitnin milli árangurs fjárlagafrumvarps annars vegar og lokafjárlaga hins vegar hafi aukist mjög á þessu árabili og ef frá eru talin atvik sem beint má rekja til hrunsins, eins og auðvitað framúrakstur á þessum síðustu árum með sérstökum útgjöldum vegna t.d. Íbúðalánasjóðs þar sem voru fullkomlega ófyrirséð útgjöld til sjóðsins, sé ekki hægt að halda því fram að þetta agaleysi hafi aukist, þvert á móti hafi bilið minnkað.