skýrsla rannsóknarnefndar Alþingis um Íbúðalánasjóð o.fl.

Virðulegi forseti. Ég held ég verði að sitja uppi með það að ég er ósammála hv. þingmanni. Vissulega voru útlánatöp ekki metin mikil alla vega á árunum 2002–2007, en nokkur. Þegar við horfum hér á þá ígjöf sem varð þegar Íbúðalánasjóður fór að lána fram hjá tæpa 100 milljarða getum við ekki horft fram hjá því að þetta er á þeim tíma sem íbúðaverð er að hækka og þeir sem sitja eftir í tjóni núna, í tómu tjóni, eru þeir sem keyptu á árabilinu 2005–2008 á þessu háa verði. Tjónið er miklu meira en það tjón sem er lagt til (Forseti hringir.) grundvallar í skýrslunni, það er tjón úti í samfélaginu.

Ég hef lokið máli mínu.