leiðrétting verðtryggðra fasteignaveðlána.
Virðulegi forseti. Ég þakka þingmanninum fyrir athugasemdir hans. Ég vil biðja hann um eina staðfestingu. Ef verðtryggðar skuldir heimilanna 1. desember í fyrra voru 1.257 milljarðar, og ef það á að leiðrétta um samtals 20%, eins og hv. þm. Sigrún Magnúsdóttir hélt fram, gerir það 264 milljarða samkvæmt mínum bókum. En bæði frumvörpin, um séreignarsparnaðinn og þetta frumvarp, eru upp á 150 milljarða. Eitthvað vantar þarna. (SigrM: … þingmaðurinn út úr fyrir mér.) Nei, það var talað um — en þá gerði ég það vafalítið. Kannski hv. þm. Helgi Hjörvar staðfesti þessa reikninga mína.
Hitt er síðan að komið hefur fram í umræðunni að svigrúmið sem mögulega gæti skapast við uppgjör bankanna og uppgjör þrotabúa þeirra sé allt upp í 800 milljarða. Það er því margt sem við eigum í vændum, sýnist mér. Getur hv. þingmaður hjálpað mér að skilja hvað við gætum mögulega átt í vændum miðað við uppgjör þrotabúa bankanna?