leiðrétting verðtryggðra fasteignaveðlána.
Virðulegi forseti. Ég þakka hv. þingmanni fyrir vangavelturnar og ræðuna sem hér var flutt. Ég vona að hv. þingmaður geti gert sér mig að góðu í þessu púlti og í þessu samtali, en ég er með þrjár spurningar sem mig langar til að fá einhver svör við og varða ýmislegt.
Í fyrsta lagi spyr ég hvort hv. þingmanni þyki það ekki nokkuð óábyrgt ef til eru þeir einstaklingar sem breytt hafa lífsstíl á grunni loforða Framsóknar fyrir kosningar. Er það ekki svolítið skringileg hegðun, fyrst skringilegt var uppáhaldsorðið okkar hérna áðan?
Í öðru lagi vil ég spyrja: Getur hv. þingmaður lýst nánar hvaða almennu aðgerðir hefði verið hægt að ráðast í beint eftir hrun, sem hv. þingmaður nefndi?
Í þriðja lagi langar mig að spyrja: Telur hv. þingmaður að allir flokkar hafi lofað einhverju fyrir síðustu kosningar, sérstaklega einhverju stórlegu? Er ekki einhver munur á flokkunum sem sitja á þingi? Þá er ég ekki bara að meina Pírata og hina heldur kannski einhverja fleiri.