ákvörðun sameiginlegu EES-nefndarinnar um breytingu á XX. viðauka við EES-samninginn.

Virðulegi forseti. Sá stóri munur væri þá á að fulltrúar okkar sætu í ráðherraráðinu og hefðu fylgst með þessu alveg fram á síðustu stund og væru inni í málum og hefðu getað borið það undir þingnefndir hvort hægt væri að samþykkja þetta, eins og ég gerði ráð fyrir að hv. þingmaður viti. Eins og í Danmörku, þar er allt borið undir sérstaka þingnefnd áður en Danir samþykkja sín mál í þinginu. Ég tel rétt að menn fari rétt með um hvernig þessum málum er háttað, sérstaklega þegar þeir þurfa að leggja lykkju á leið sína eins og hv. formaður utanríkismálanefndar gerir nú.