leiðrétting verðtryggðra fasteignaveðlána.
Virðulegi forseti. Á sumarþingi 2013 var frumvarp nokkurt gert að lögum en frumvarp þetta var nefnt Hagstofufrumvarpið. Frumvarpið var umdeilt og réttilega, enda heimilaði það mjög víðtæka söfnun og úrvinnslu á persónugögnum um alla landsmenn án þeirra samþykkis. Þrátt fyrir að vera óumdeilanlega í trássi við friðhelgi einkalífsins sem þó er skilgreind sem mannréttindi, bæði í stjórnarskrá og samkvæmt alþjóðasáttmálum, var frumvarpið réttlætt á þeim forsendum að það væri nauðsynlegt vegna ríkra almannahagsmuna. Þeir ríku almannahagsmunir áttu að vera einmitt þær skuldaniðurfellingar sem hér eru til umræðu.
Spurning mín til hæstv. forsætisráðherra er þessi: Hvaða þátt hefur sú gagnasöfnun átt í að gera þessar aðgerðir mögulegar?