fjárlög 2015.
Virðulegur forseti. Nú verður forseti að skýra fyrir okkur þingmönnum með hvaða hætti þessi umræða er skipulögð. Það var ekki ætlunin að Sigmundur Davíð Gunnlaugsson yrði hér til svara í þeim áætlunum sem lágu fyrir en það var sérstaklega eftir því óskað að hann kæmi hingað og svaraði fyrir sína málaflokka. Hér hefur verið kynntur forsætis- og dómsmálaráðherra til svara á dagskrá þingsins. Nú er að skilja á forsætisráðherra að hann sem forsætisráðherra sé ekki hér til svara heldur bara sá hluti af honum sem er dómsmálaráðherra.
Áður en lengra er haldið í því að spyrja Sigmund Davíð Gunnlaugsson út úr þá vil ég bara árétta hvort það sé ekki rétt skilið, samkvæmt dagskrá þingsins, að hér sé til andsvara forsætis- og dómsmálaráðherra Sigmundur Davíð Gunnlaugsson en ekki bara dómsmálaráðherrahlutinn af Sigmundi Davíð Gunnlaugssyni.