verslun með áfengi og tóbak o.fl.
Hæstv. forseti. Ég þakka hv. þm. Steingrími J. Sigfússyni fyrir þessa seinni spurningu eða andsvar, eða vangaveltur öllu heldur. Við deilum um margt, ég og hv. þingmaður, skoðunum, sér í lagi þegar kemur að ungu fólki og lýðheilsurökum og auknu jafnræði á landsbyggðinni alla daga. Ég trúi því að með frumvarpinu getum við jafnvel gert enn betur þar, hlúð að verslun og aukið enn frekar aðgengi að vörunni með jafnræði í þeim efnum. Það er hins vegar staðreynd að fræðsla og miðlun í lýðheilsu hefur batnað og aukist. Ég er sammála hv. þingmanni um það að við eigum að efla lýðheilsu- og forvarnasjóð og rannsóknir í þessum efnum, óháð því hvort þetta frumvarp verður að lögum eða ekki.