virðisaukaskattur o.fl.
Hæstv. forseti. Nú er það staðreynd að það skiptir fyrirtæki máli hvert skattstigið er. Það er því mjög mikilvægt af þeim sökum að við tökum góða málefnalega umræðu þegar ráðist er í skattbreytingar, hækkun eða lækkun á virðisaukaskatti.
Tekur ekki hv. þingmaður undir með mér gagnvart þeim þingmönnum stjórnarmeirihlutans sem höfðu mjög ríkar skoðanir á málinu sumarið 2013 að þeir kveðji sér hljóðs hér í pontu og skýri fyrir okkur og þjóðinni hvers vegna þeir komast að annarri niðurstöðu nú en þeir gerðu sumarið 2013?