144. löggjafarþing — 44. fundur, 9. des. 2014.
fjárlög 2015.
1. mál
Hv. forseti. Ég þakka hv. þingmanni fyrir þetta svar en langar að ítreka spurningu mína um stöðu barna úr tekjulágum fjölskyldum. Því miður hefur börnum í þessum hópi fjölgað mikið á undanförnum árum. Nú ætlar hæstv. ríkisstjórn með fulltingi stjórnarflokkanna að hækka virðisaukaskatt á mat og menningu. Ég hef áhyggjur af því hvaða áhrif það hafi á þessi börn. Geta þau tekið þátt í samfélaginu á sama hátt og börn úr efnameiri fjölskyldum eða verður það hreinlega of dýrt að kaupa annars vegar hollan mat og njóta hins vegar menningar, að búa á heimili þar sem mögulegt er að kaupa bækur, fara í leikhús (Forseti hringir.) o.s.frv.?
