fjárlög 2015.
Virðulegur forseti. Það liggur nú fyrir í miðri þessari atkvæðagreiðslu að ríkisstjórnarflokkarnir trúa ekki sínum eigin fulltrúum í stjórn Ríkisútvarpsins. Í ályktun sem stjórn Ríkisútvarpsins sendi öllum alþingismönnum segir, með leyfi forseta:
„Ríkisútvarpið er ein mikilvægasta menningar- og lýðræðisstofnun þjóðarinnar. Stjórn Ríkisútvarpsins beinir þeirri eindregnu áskorun til Alþingis að það standi vörð um Ríkisútvarpið með því að falla frá fyrirhugaðri lækkun á útvarpsgjaldi.“
Svo mörg voru þau orð og hér hafa ríkisstjórnarflokkarnir ákveðið að skella skollaeyrum við þessari áskorun sinna eigin fulltrúa; og töluvert var nú lagt á sig til að hafa sex fulltrúa á móti þremur fulltrúum stjórnarandstöðunnar.
Ég spyr: Af hverju trúa ríkisstjórnarflokkarnir ekki sínum eigin fulltrúum í stjórn RÚV?
