144. löggjafarþing — 45. fundur, 10. des. 2014.
fjárlög 2015.
1. mál
Herra forseti. Í tillögum meiri hlutans er lagt til að framlög til hjúkrunarheimila um land allt verði aukin allverulega, þ.e. um 760 milljónir. Framlög verða þá samtals 1.118 milljónir. Hjúkrunarheimili þurfa á auknu fjármagni að halda til reksturs og viðhalds. Ég fagna því þessari tillögu heils hugar og tel hana endurspegla rétta forgangsröðun ríkisstjórnarinnar. Ég segi já.