aðbúnaður, hollustuhættir og öryggi á vinnustöðum og málefni fatlaðs fólks.

Hæstv. forseti. Ég vil þakka hv. þm. Svandísi Svavarsdóttur fyrir ekki bara mjög áhugaverðar spurningar heldur mjög brýnar spurningar og þau verkefni sem við stöndum frammi fyrir í að bæði nýta og veita þessa þjónustu. Það vakna mjög mörg siðferðileg álitamál.

Við í þeim starfshópi sem ég er í, sem er að endurskoða lög um málefni fatlaðra og félagsþjónustu, fengum kynningu á starfi verkefnahóps um notendastýrða persónulega aðstoð, þannig að við höfum kannski ekki farið af jafn mikilli dýpt í þann þátt eins og verkefnahópurinn, en það kom fram að lögð er sérstök áhersla á þjálfun og menntun þeirra sem eiga að veita þjónustuna. Þetta er auðvitað stórmál og endurspeglar kannski þá stöðu sem við erum í með verkefnið og hvað það skiptir miklu máli að ná utan um það, samhliða því markmiði að festa það í lög. Það er auðvitað það sem við stefnum að og afar mikilvægt að verði.