144. löggjafarþing — 67. fundur, 17. feb. 2015.
meðferð einkamála.
462. mál
Hæstv. forseti. Ég mæli fyrir frumvarpi til laga um breytingu á lögum um meðferð einkamála. Þetta mál er flutt af meiri hluta allsherjar- og menntamálanefndar og það er einfalt.
Í því felst að í stað dagsetningarinnar „1. janúar 2015“ í 2. gr. laganna komi: 1. janúar 2016.
Þetta mál skýrir sig sjálft og hér er einfaldlega um að ræða að framlengja gildistöku ákvæðisins.
