lokafjárlög 2013.

Frú forseti. Ég held að þetta sé ekki atriði sem sé tilefni til mikils ágreinings. Það kemur einskiptistekjufærsla upp á á þriðja tug milljarða sem veldur því að afkoma ársins í heild er nálægt því að vera í jafnvægi en er þó í minni háttar halla, sem er að sjálfsögðu jákvætt eins og ég vék að áðan. Þar var um að ræða einskiptistekjur sem voru færðar í ríkisreikning í framhaldi af því að Landsbankinn afhenti slitabúi gamla bankans skuldabréf og á móti kom afhending á hlutabréfum til ríkissjóðs sem engin greiðsla kom fyrir og þess vegna þessi stóra tekjufærsla.