þjóðaratkvæðagreiðsla um framhald viðræðna um aðild Íslands að Evrópusambandinu.

Frú forseti. Já, ég verð að taka undir með hv. þingmanni að það er merkilegt hvað er ekki boðið upp á. Stundum líður okkur nýjum þingmönnum í nýjum flokki, eins og þeim sem hér stendur, eins og krakkanum sem skilur ekkert í því af hverju pabbi og mamma eru að rífast, því mér finnst ansi mikið af umræðunni og orðræðunni sérstaklega frá hæstv. ríkisstjórn vera enn þá á milli stjórnar og stjórnarandstöðu á síðasta kjörtímabili. Það er dálítið merkilegt að hér er verið að loka á möguleika um stöðugleika, um stöðugan gjaldmiðil. Við höfum 100 ára reynslu af krónu sem hefur ekki verið svo gæfuleg en nú á að loka og í raun og veru ekki að segja neitt um hvað kemur í staðinn.

Björt framtíð hefur lagt fram tillögu að því að Ísland setji sér gjaldmiðilsstefnu. Þeirri tillögu hefur eiginlega ekki verið svarað. Já, ég er dálítið (Forseti hringir.) spurningarmerki.