144. löggjafarþing — 107. fundur, 15. maí 2015.
áætlun um vernd og orkunýtingu landsvæða.
244. mál
Hæstv. forseti. Við töluðum um viðhorfsbreytingu gagnvart náttúrunni. Ég held að þörf sé á sams konar viðhorfsbreytingu gagnvart þinginu og gagnvart vinnubrögðunum sem við ástundum hér. Þeim þurfum við að breyta og við þurfum öll að leggjast á árarnar um að breyta viðhorfum okkar allra til þeirra vinnuferla sem við erum að koma okkur saman um og við verðum og eigum að virða.