áframhald umræðu um rammaáætlun.

Forseti. Þessi orð hv. þingmanns sýna ljóslega að samkomulaginu um rammann og því faglega ferli er lokið. Það er bara þannig. Það er búið að drekkja rammanum í þessu verkferli meiri hluta atvinnuveganefndar og meiri hluta Alþingis því að þetta mál er hér á dagskrá af því að forseti Alþingis hefur sett í forgang að það verði klárað og allt annað sett í gíslingu og allt þingið sett í uppnám sem og samfélagið. Ég hef af þessu áhyggjur, forseti, sem og af því að forseti sé ákaflega hlutdrægur í þessu máli. Því lýsi ég yfir vantrausti á forseta Alþingis til að fara með dagskrárvaldið þegar kemur að þessu máli.