áætlun um vernd og orkunýtingu landsvæða.

Virðulegur forseti. Mig langar til þess að spyrja út af orðum hv. þingmanns hvort hann hafi þá kynnt sér nýjasta álit ASÍ. Hann vitnar mikið í álit sem ASÍ gaf árið 2012, en í umsögn ASÍ í umfjöllun um núverandi þingsályktunartillögu segir, með leyfi forseta:

„Að mati ASÍ er nauðsynlegt að hver virkjanakostur fái þá umfjöllun hjá verkefnisstjórn, byggða á faglegum rannsóknarniðurstöðum, sem vera ber áður en lagt er til að færa einstaka virkjanakosti úr einum flokki yfir í annan. [...] Alþýðusamband Íslands telur mikilvægt að Alþingi styðji þá breiðu sátt um fagleg vinnubrögð sem einkennt hefur alla vinnu í tengslum við undirbúning áætlunar um vernd og orkunýtingu landsvæða og mælist því til um að tillögur verkefnisstjórnar á hverju tíma séu virtar.“

Tekur hv. þingmaður bara mark á því áliti Alþýðusambandsins sem hentar honum, sem er þá í þessu tilviki frá árinu 2012? Hefur hann kynnt sér álit Alþýðusambandsins í umfjöllun um það mál (Forseti hringir.) sem hér er til umfjöllunar? Vill hann bregðast við því?