ummæli sjávarútvegsráðherra og sameining skóla.
Frú forseti. Ég vil taka undir orð hv. þm. Árna Páls Árnasonar sem er formaður Samfylkingarinnar og taka undir ósk hans um að hér verði strax komið á dagskrá umræðu um sameiningu Iðnskólans í Hafnarfirði og Tækniskólans ehf. Eins og fram hefur komið í fjölmiðlum frekar en hér í þingsal átti að renna öðrum hreina starfsmenntaskólanum undir einkaskólann Tækniskóla án þess að ræða það í þingsal. Það er stefnubreyting í skólamálum. Það er ekki líklegt að það ýti undir og fjölgi nemendum í starfsmenntanámi í landinu. Ég tek líka undir þá ósk að hér verði sú umræða sem óskað hefur verið eftir og hún verði lengri en vaninn er.