áætlun um vernd og orkunýtingu landsvæða.
Hæstv. forseti. Ég heyri að hv. þingmaður skilur ekki rammaáætlun. Hún snýst ekki um persónulegar skoðanir hvers og eins á hverjum og einum virkjunarkosti heldur heildstætt mat sem lagt er fram á faglegum grunni samkvæmt ákveðnum reglum.
Varðandi Skrokköldu er það svo að hún er inni á áhrifasvæði Vatnajökulsþjóðgarðs og ef við viljum vernda miðhálendið og búa þar til sérstakan þjóðgarð þá kemur Skrokkölduvirkjun ekki til greina.
Varðandi sæstreng er ég algerlega á því að við eigum að kanna kosti hans. Ég tel að það gæti verið mjög hagkvæmt fyrir okkur að fá eins hátt verð og mögulegt er í gegnum sæstreng. En ég tel líka og það er það sem ég hef áhyggjur af að þrýstingur vaxi á frekari virkjanir. Ég leyfi mér bara að telja að við eigum að skoða þetta og meta síðan hagsmuni okkar þar.