áætlun um vernd og orkunýtingu landsvæða.

Virðulegi forseti. Mig langar aðeins að halda áfram þar sem frá var horfið. Nú veit ég að þingmenn og forsætisnefndin hafa verið að fara og heimsækja þjóðþing annarra landa í gegnum tíðina. Ég held því að það væri mjög gott að við mundum fá meiri upplýsingar um það hvers þeir verða áskynja í þessum ferðum sínum. Ég trúi því ekki að það sé raunverulega þannig, tökum bara Norðurlöndin, að þar sem mál eru mjög umdeild, auðvitað eru umdeild mál í öllum þjóðþingum, að formenn flokka og ráðherrar geri ekkert í því, setjist ekki niður með stjórnarandstöðu og leiti leiða til sátta. Eru einhver dæmi um það? Mér finnst þetta með svo miklum ólíkindum að ég — er hægt að særa þessa menn hingað inn í þingsal til að ræða við okkur?

Virðulegi forseti. Ég verð eiginlega að ætlast til þess að forseti virki sem einhvers konar sáttasemjari í málinu, kalli til fundar og láti menn og konur setjast niður til að ræða þetta og komast að niðurstöðu. Þetta gengur ekki. — Hef ég lengri tíma?

(Forseti (SJS): Ég hygg að tímanum hafi verið lokið, en það er eitthvert vesen á mæliverkinu.)