ríkisfjármálaáætlun fyrir árin 2016--2019.
Virðulegi forseti. Ég ætla að lýsa vonbrigðum mínum með að ekki sé búið að boða þennan fund með formönnum flokkanna sem átti að vera í dag. Ég trúi því ekki að forustumenn ríkisstjórnarinnar ætli að halda áfram með þann bolabíts- eða brussugang — ég veit ekki hvað ég á að kalla það — sem þeir hafa sýnt hér í umgengni við þingið undanfarið.
Í gær tókst þeim að leggja fram eitt stærsta mál sem beðið hefur verið eftir. Þingið fagnaði allt og við segjum: Af hverju í ósköpunum ekki að halda áfram á þeim nótum? Af hverju er það lag ekki nýtt, sá andi, til að halda áfram saman og klára þetta þing í stað þess að byrja að þjösnast aftur? Það eina sem þessum mönnum virðist eðlislægt er þjösnagangur.