kjaramál félagsmanna tiltekinna stéttarfélaga BHM og Félags íslenskra hjúkrunarfræðinga.

Virðulegi forseti. Hæstv. ráðherra talaði um að það væri ósanngjarnt að segja að ríkið vildi ekki leysa málið og hafi ekki viljað leysa málið meðan á verkfallsaðgerðum hefur staðið. Ég skil ekki alveg orð hæstv. ráðherra vegna þess að hann hefur staðið hér sem og forsætisráðherra og sagt okkur á Alþingi að þeir hafi ekki gert neitt vegna þess að þeir hafi verið að bíða eftir almenna markaðnum. Svo skilar almenni markaðurinn niðurstöðu sinni í byrjun síðustu viku eða innan síðustu tíu daga og það er þá sem menn láta til skarar skríða og koma með lagasetningu. Hvað var boðið eftir að niðurstaða lá fyrir á almenna markaðnum í þeirra deilum? Hvað gerði ríkið eftir að þeirri deilu lauk og hvað var það sem mönnum var boðið í þessari deilu, þ.e. BHM og hjúkrunarfræðinga?

Það er nefnilega ekki ósanngjarnt að segja að ríkið hafi beðið ef eingöngu er hlýtt á orð hæstv. ráðherra hér sem vísuðu alltaf málinu frá sér aftur og aftur (Forseti hringir.) og sögðu að þetta mál væri ekki í þeirra höndum heldur þyrfti að bíða eftir almenna markaðnum.