uppbygging Landspítalans við Hringbraut.
Virðulegi forseti. Ég þakka hæstv. forsætisráðherra fyrir þessi svör og tek undir með honum að allt megi ræða.
Varðandi þær tölur sem forsætisráðherra nefnir er búið að reikna það saman í nýlegri skýrslu KPMG að nú verður byggingarkostnaður að reiknast 21 milljarði hærri ef spítalinn er hafður á nýjum stað í stað þess að fara í þessa uppbyggingu við Hringbraut. Fasteignir yrðu þá væntanlega að seljast á í kringum 21 milljarð ef þetta ætti að koma út á sléttu.
Í nafni umræðunnar má líka benda á að þær fasteignir sem spítalinn er núna í eru 17 á höfuðborgarsvæðinu. Þá er talinn með spítalinn í Fossvogi og ég sé því ekkert til fyrirstöðu að þangað geti til dæmis komið heilsuhótel.