verslun með áfengi og tóbak o.fl.

Hæstv. forseti. Jú, hann er okkur ókeypis vegna þess að reksturinn stendur undir sjálfum sér.

Ef menn hafa viljað hæða þá sem eru taldir afturhaldssamir í þessum efnum þá vísa menn gjarnan til umræðunnar um bjórinn á sínum tíma, á 9. áratugnum, og varnaðarorða sem þá komu fram um að bjórinn mundi auka áfengisneyslu, það væri alveg fráleitt. En það hefur nú gerst. Ég ætla að vitna í grein eftir Gunnar Alexander Ólafsson heilsuhagfræðing úr Fréttablaðinu 17. september. Þar segir, með leyfi forseta:

„Árið áður, 1988, var neysla hvers Íslendings (18 ára og eldri) af áfengi 4,53 lítrar. Árið 2007 náði neysla áfengis ákveðnu hámarki eða 7,53 l á hvern einstakling. Á síðasta ári var áfengisneysla 7,18 l á hvern Íslending.“

Dreifingarmagnið og úrvalið að þessu leyti þegar bjórinn kom til sögunnar hefur áhrif á neysluna og hefur aukið (Forseti hringir.) hana. Þetta er bara staðreynd.

Ég vil spyrja að lokum hv. þingmann: Er það eitthvert vandamál eins og þetta er núna? (Forseti hringir.) Er þetta eitthvert brýnt vandamál sem þarf að leysa?