verslun með áfengi og tóbak o.fl.
Hæstv. forseti. Ég þakka fyrir þetta andsvar. Ég held að mjög mikilvægt sé að halda börnum frá áfengi eins lengi og mögulegt er. Það er forvörn í því. Það er eitt gott við þetta frumvarp og það er að auka á áfengisgjald úr 1% í 5% Það er mjög jákvætt þótt ég hefði viljað sjá það miklu hærra. Ég hefði viljað sjá 50% fara í forvarnir og lýðheilsumál á Íslandi og sérstaklega hvað varðar börn og umgjörðina utan um þau, börn og forvarnir. Ég hlustaði líka aðeins á Kára í morgun og ég er alveg sammála honum í því að þetta er ekki síst í ljósi allra þeirra rannsókna sem hefur verið bent á hérna. Það er háalvarlegt mál að ætla að auka aðgengi að áfengi.
Ég er orðlaus yfir því að þetta mál skuli vera lagt fram í ljósi þess að það fékk ekki brautargengi, það hefur aldrei fengið brautargengi í þinginu og fékk ekki brautargengi í vor. Þeir hefðu getað kannski — þó ekki væri nema til að leggja fram einhverjar (Forseti hringir.) upplýsingar um hvað þetta kostar samfélagið og ekki síst börn.