145. löggjafarþing — 59. fundur, 19. des. 2015.
fjárlög 2016.
1. mál
Virðulegi forseti. Það er hlutverk okkar hér þegar betur árar í þjóðfélaginu að lyfta upp úr fátækt þeim hópum sem verst hafa það. Staðreyndin er sú að þó að við búum ágætlega á Íslandi eru hópar sem búa við allt of léleg kjör.
Mig langar líka aðeins að gagnrýna vinnubrögðin við fjárlögin. Gríðarlegur fjöldi af breytingartillögum kom inn allt fram á síðasta dag. Þessi vinnubrögð eru ekki vitnisburður um aga eða skýra stefnu stjórnvalda.