145. löggjafarþing — 113. fundur, 20. maí 2016.
meðferð krónueigna sem háðar eru sérstökum takmörkunum.
777. mál
Virðulegi forseti. Ég vil bara að það sé alveg skýrt að ég tel mikilvægt að þessari vinnu verði lokið með því að við veitum slíkar heimildir í hvaða formi sem við á endanum ákveðum að leggja þær til. Ég er ekki að gera lítið úr þörfinni fyrir það en bendi hins vegar á að slík tæki eru ekki töfralausn og ekki eina lausnin við þeim vanda. Þau geta eingöngu verkað sem hækja eða stuðningstæki ásamt með öðrum aðgerðum sem ég hef hér farið yfir.