rannsókn á mánaðartekjum háskólanema.

Virðulegi forseti. Ég verð að lýsa vonbrigðum mínum með að hæstv. ráðherrann eyði drjúgum hluta af stuttum tíma sem hann hefur til að þvæla um hvaða vísitölur eigi að nota í þessu sambandi. Það þarf að bregðast við þessum vanda. Og ég ætla líka að lýsa vonbrigðum mínum yfir að hann fari að tala um launahlutföll. Vandinn er sá að laun á Íslandi eru almennt of lág. Það er það sem hver ábyrgur stjórnmálamaður á að reyna að bregðast við. Að hækka laun í landinu. Af hverju eru laun á Íslandi of lág, virðulegi forseti? Það er af því að vitlaust er gefið í þessu landi. Það er vitlaust gefið. Þeir sem veiða fiskinn í sjónum, þeir sem eiga fyrirtækin, þeir sem hafa það gott, þeir hirða mikinn hagnað og arð og þjóðin fær ekki neitt, velferðarkerfið (Forseti hringir.) drabbast niður á meðan felldir eru niður skattar á þá sem hafa ofurháar tekjur.