fjáraukalög 2016.

Herra forseti. Minni hlutinn hefur gert athugasemdir við frumvarp til fjáraukalaga og leggur fram breytingartillögu þess efnis. Við höfum gagnrýnt að hér eru inni ný verkefni sem ekki eiga heima í fjáraukalögum og í raun liggur ekki fyrir í hverju þau eru fólgin. Hér er m.a. dæmi um nýja stofnun væntanlega eða eitthvað slíkt sem við vitum ekki heldur hvort þarf að vera á fjárlögum til komandi ára eða hvað sem á að vera vistuð inni í Stjórnstöð ferðamála.

Við leggjum fram að nýju tillögu um bætur samkvæmt lögum um félagslega aðstoð og lífeyristryggingar, þ.e. varðandi 69. gr. almannatryggingalaga, sem á að vernda þá hópa sem hafa fengið kjaraskerðingu og þeir fái greiddan lífeyri eins og lágmarkslaunin í landinu og hækkunin verði afturvirk frá 1. maí eins og kjarasamningar gerðu ráð fyrir á almennum markaði. Við minnum á fordæmi fyrir því sem var í samningum árið 2011.